قال تعالى(يَا أَيُّهَا النَّاسُ أَنْتُمُ الْفُقَراء الى الله والله هوالغنى الحميد)فاطر

center][/center]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتديات قرية الفقراء
قال تعالى(يَا أَيُّهَا النَّاسُ أَنْتُمُ الْفُقَراء الى الله والله هوالغنى الحميد)فاطر

دينية- اجتماعية- ثقافية ( اللهم صلى على النبى المختار)

 قال رسول الله صلى الله عليه و سلم " طوبى لمن وجد في صحيفته استغفاراً كثيراً " 
من صلى على رسول الله صلى الله عليه و سلم صلاه واحده، صلى الله بها عليه عشرا 

   منتديات  قريه الفقراء   ترحب بكم فى ضيافتها العامره بحضوركم

أسمـــــــــــاء الله الحســـنى


مكتبة الصور


المواضيع الأخيرة

» الاعداد للحج
الخميس أغسطس 06, 2015 5:10 pm من طرف محمدخميس

» اين عبير خضرى
الأربعاء يوليو 15, 2015 9:53 am من طرف رافت صبحى

» من الاخطار التى تقابل المسلمين فى طريق الله
الجمعة يونيو 05, 2015 7:53 pm من طرف محمدخميس

» صفات رسول الله صلى الله عليه وسلم المعنوة والباطنية
الثلاثاء مايو 26, 2015 9:02 am من طرف محمدخميس

» من الحجب التى تحجب المريد عن فضل الله
الخميس مايو 14, 2015 10:40 am من طرف محمدخميس

» مالك ابن دينار
الإثنين نوفمبر 10, 2014 10:10 am من طرف سيف بن خلفان المبسلي

» المراة القبيحة افضل للرجل صحيا00
الإثنين نوفمبر 10, 2014 7:06 am من طرف سيف بن خلفان المبسلي

» احذر طقطقة الاصابع !!!
الإثنين نوفمبر 10, 2014 6:58 am من طرف سيف بن خلفان المبسلي

» النظر للنساء يضعف الذاكرة
الإثنين نوفمبر 10, 2014 6:50 am من طرف سيف بن خلفان المبسلي

احصائيات

أعضاؤنا قدموا 10435 مساهمة في هذا المنتدى في 1997 موضوع

هذا المنتدى يتوفر على 252 عُضو.

آخر عُضو مُسجل هو محمدخميس فمرحباً به.

المتواجدون الآن ؟

ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 1 روبوت الفهرسة في محركات البحث

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 77 بتاريخ السبت يناير 07, 2012 7:36 pm


    كلام " خارم بارم "

    شاطر

    وليد الزيلعي
    متميز
    متميز


    عدد المساهمات : 565
    نقاط : 808
    تاريخ التسجيل : 05/08/2010
    العمر : 28

    كلام " خارم بارم "

    مُساهمة من طرف وليد الزيلعي في الإثنين مارس 12, 2012 6:36 pm


    رميـــــــــــة
    عايز اكون انا وابقي منك
    اي حاجة قريبة منك
    كان ابوك
    كان اخوك
    ابقي امك
    ابقي واحد من ضيوفكم
    تبقي استاذة ,,,,,, ابقي الفة
    تبقي شباك,,,,,,,, ابقي ضلفة
    تبقي عيانة ,,,,,, ابقي حبة تبلعيها وتبلعيني
    ومامهم لو تبلعيني
    المهم شوفة عيونك
    وابقي منك اي حاجة قريبة منك
    تبقي " تاكا " ابقي كسلا
    تبقي غابة ابقي اصلة
    تبقي " سلطة " ابقي بصلة
    ابقي " حيطة " وتبقي " عتلة " شرعيني وهدميني ومامهم لو تهدميني
    المهم شوفة عيونك
    وابقي منك اي حاجة قريبة منك
    ابقي كتاب شايلاهوا اِيدك
    تبقي ملكة ’’’’’’’ ابقي واحد من عبيدك
    اضربيني ورصصيني
    ومامهم لو تضربيني
    المهم شوفة عيونك
    وابقي منك ,,,,, اي حاجة قريبة منك
    زرة من زرات غباركم
    درجة واحدة من سخانة نص نهاركم
    قشة من كيس خضاركم
    تمعطيها وتمعطيني
    ومامهم لو تمعطيني
    المهم شوفة عيونك
    وابقي منك ,,,,,, اي حاجة قريبة منك
    تبقي شكلة ’’’’’’’ ابقي حجاز
    تبقي ضبة ’’’’’’’’’ ابقي عكاز
    تبقي بقرة ,,,,,,,, ابقي همباز
    وياسلاااااام لو تبقي بوتجاز وتحرقيني
    ومامهم لو تحرقيني
    المهم شوفة عيونك
    ابقي خصلة بين ايديك تسرحيها
    او مجلة بتقري فيها
    او حفرة لمن تكنسي تدفينها وتدفنيني
    ومامهم لو تدفنيني
    المهم شوفة عيونك
    وبرضوا زعلانة واظنك
    وماك عارفة سؤالي عنك
    عايز اكون انا ابقي منك
    اي حاجة قريبة منك
    الاِهـــــــداء
    الي شخص يقراءني ولا يقراء لي
    الي طفلة مازالت بالعند نفسه تضرب 2 في اِتنين تطلع ليها بسبعة
    عليكم الله في مكاجرة اكتر من كدة ؟؟
    .......................................
    قالوا ليك واحد ماعندوا دم زي " معتصم " دة كدة خاطب بت عموا سبعة سنة
    اها مرة من المرات اِتفق معاها يتلاقوا وياخدوا ليهم " جمبة " شوية كدة
    صاحبنا دة مشي حلق شعروا وبت عموا قاااااااعدة منتظرة في الكافترياء
    اها بعد خلص من الحلاقة ركب لي " رقشة " ومشي عليها واول ماوصلة قال ليها
    حاسبي بتاع الرقشة دة علي المشوار
    بعد حاسبت بتاع " الرقشة "
    دخلوا الكافتريا وبرضوا شرب العصير واكل سندوتشين " بيرقر " ودفع بت عموا الحساب
    المهم
    بت عمو لاحظت لجرح صغير في جبهة خطيبة
    قالت لي والله الحلاق دة مفترض ماتغيروا عشان وراني اِنوا عندك " دم "
    طبعاً في ناس في الدنيا دي الواحد ماتعرف عندوا دم اِلا لمن اِنجرح
    ـــــــــــــــــــــــــــــــــــــــــــــــــــــــــــ
    محمود عبدالعزيز
    يطربني جداً هذا الفنان
    عاصم البناء
    يضرسني جداً هذا الفنان
    نانسي عجاج
    كم رائعة هذه الفنانة
    اِيمان لندن
    كم " مائعة " هذه الفنانة
    احكي ليك ولا اخلي صمت الشوق يزيد البي علي البيك ؟؟
    ـــــــــــــــــــــــــــــــــــــ
    في السودان نملك عبقريات كثيرة وفي كل المجالات نملك اناس يفرحونك عزة باِنك سوداني ويجعلونك تراجع اوراقك الثبوتية بشي من الفخر والرائع حسين خوجلي واحد من هؤلاء
    والله الزول بريحني جنس راحة
    ـــــــــــــــــــــــــــــــــــــــــــ
    والله الميناء البري دة فيو كماسرة " شفوت " بشكل
    الواحد لو مسافر الحصاحيصاء يقنعوا ليك برااااااحة يركب " القضارف "
    ــــــــــــــــــــــــــــــــــــــــــــــــــــــ

    حسب الاقاويل قالوا ليك العرقي لسه بتباع في " المحطة " " تحت تحت " دة معناها لابد من هجمة تانية
    سامعني يامحمد محمود ؟
    واسكروا اِنتوا ياحلوين
    نجيكم نحن بالاعزار
    ــــــــــــــــــــــ
    والله شركات الاتصالات بقت اكبر خطر علي شبابنا
    المكالمات الشبه مجانية دي انا عايز اعرف لشنو عاملينها في انصاص الليالي ؟
    طبعاً واضحة ومامحتاجة لـ " درس " عصر
    يعني الواحد لو ماعايز " اجكس " وقت يلقي العروض المجانية دي بفكر اشوف لي " جكسوية " واِساهر معاها
    انا غايتوا بديت افكر في اللموضوع
    يعني خلاص بقت علي انا ؟؟
    ولا عايزين " تخموها " براكم يامحمد الامين ؟؟
    وساهرنة طول الليل
    غلبنا موباتيل
    ـــــــــــــــــــــــــــــــــــــــــــــــــــــــــ
    غايتوا اِدارة المدرسة الثانوية بعد رحيل " الهرم " عبدالله البشير بقت زي شارة كابتنية " المريخ " كل مباراة لابسة لاعب
    ومدرسة الثانوي كل مرة بمدير جديد والحال ياهو الحال
    سقوط اكاديمي
    وسقوط اخلاقي
    والله جنينة وغفيرة نايم
    ويابلد ما ليك وجيع
    ــــــــــــــــــــــــــــــــــــ
    طبعاً ناس الفقراء مهووسين " بالـطرب " بصورة فيها نوع من الجنون
    بقت اي مناسبة صغيرة ولاكبيرة عايزين يعملوا ليها حفلة
    الحفلة دي شغالة وين ؟
    ديل ناس فلان الفلاني
    العرس ليهم منوا ؟
    مافي زول عرس ليهم بس طهروا ولدم
    يعني دي هسي مناسبة بتستحق الاحتفال ؟؟
    والحفلة دي وقت تدور لابتعرف الراجل من المرة حابل واِختلط بنابل
    راجل تلقي كبير في السن والقدروا
    بداء يكتب في مذكراتوا ولزم سريروا اول مايدق " الاورغن " يتحول لهيفاء وهبي
    حركات وبلاهة وهبالة وعباطة ومياصة غايتوا المراهقة البتجي في الكبر دي الله يكفينا شرها
    .................................
    حمير ناس " الكنابي " في نص الحلة
    منظر
    مستفز
    مقرف
    وبجيب " الضغط " والسكري
    وبهيج المصران " العصبي "
    وكمان جابت " حلب "
    التقول ناقصين
    ..................................
    احبك لا اشك
    من دون العلي الفيس بوك
    غايتوا الفيس دة فيو بنات ضارباهن جنس " خفة "
    هلا
    ممكن نتعرف ؟؟
    ممكن رقم تلفونك ؟؟
    انا من بحري
    اِنت من وين ؟؟
    وتلقاها ساكنة نايل
    وفاقدة سوايل
    .....................................
    عندما " تفلسف " الهزائم والنكبات وتحول الي اِنتصارات تكون هنا الكارثة
    الكلام ليكم يالبتبنوا في المركز الصحي ليكم خمسة سنة
    غايتوا لقيتوا ليكم موضوع
    والله انا احلف قسم مستشفي رويال كير ما اخد الفترة الزمنية دي
    وبعد دة شايفين روحن " انجزوا "
    والله اِنتوا عجزتوا وما انجزتوا
    فالحين لي في " الشعارات " والخطب الرنانة بس
    لاقيين لي " التكية " دي
    نحن غايتوا بنقول الحق و" طــز "
    مع اِلاعتزار للفظ يعني
    ومافي داعي لـ " دق " الجرس
    الموضوع مادينجرس
    ــــــــــــــــــــــ
    نفس اخير
    ..........
    انا ياغرامي وصلتة بيك في الدنيا لحد الغرام
    ولقيت ملامي علي عينيك ياسيدي زي الماملام

    ام شفق
    متميز
    متميز


    عدد المساهمات : 446
    نقاط : 533
    تاريخ التسجيل : 20/04/2010

    رد: كلام " خارم بارم "

    مُساهمة من طرف ام شفق في الجمعة مارس 16, 2012 5:08 pm

    مررت عليه ولم اجده -خارم بارم-بل هو كلام وفي المليان وفي الصميم
    نظرة متعمقة تفحصت مكامن الخلل ومواضع القصور ومبضع لتشريح الاوجاع ان كان يؤلم فانه حتما يشفي في نهاية المطاف نسأل الله صلاح الاحوال - نانسي عجرم خارج النص -
    لك التحايا على الاطلالة المميزة والطرح القوي اخي الاصغر وليد
    رحبنا بعودتك وتشريفك لديارك الثانية ديم المشايخة في بوست الاخ الفاضل معتصم -شكرا لمن تهديها-
    وفقك الله

    وليد الزيلعي
    متميز
    متميز


    عدد المساهمات : 565
    نقاط : 808
    تاريخ التسجيل : 05/08/2010
    العمر : 28

    رد: كلام " خارم بارم "

    مُساهمة من طرف وليد الزيلعي في السبت مارس 17, 2012 3:04 pm

    مشكووووووورة ياستهم علي المرور
    عودتنا هنالك كانت من اجلك
    وشكراً مرة اخري ايتها " الرائعة "
    ونفس اخير :
    واعرف متين اصبح مطر
    وافهم متين اصبح حريق

    ام شفق
    متميز
    متميز


    عدد المساهمات : 446
    نقاط : 533
    تاريخ التسجيل : 20/04/2010

    رد: كلام " خارم بارم "

    مُساهمة من طرف ام شفق في السبت مارس 17, 2012 5:34 pm

    وليد الزيلعي كتب:مشكووووووورة ياستهم علي المرور
    عودتنا هنالك كانت من اجلك
    وشكراً مرة اخري ايتها " الرائعة "
    ونفس اخير :
    واعرف متين اصبح مطر
    وافهم متين اصبح حريق
    اللهم اجعلني خيرا ما يظنون واغفر لي مالا يعلمون
    مشكور على الاطراء -- والفهم --هذا من طيب منبتك وحسن اصلك
    نسيت ان اعلق على جزئية صغيرة في بوستك الما خارم بارم فالكلمة امانة ورسالة حتى انني اصبحت اتخوف منها فهي تبقى مكتوبة هنا محفوظة جة لنا او علينا
    تطرقت لموضوع حمير ناس الكنابي والحلب اخي الاصغر وليد السودان ملكنا جميعا عربا ونوبة ام لك رأي آخر حقيقة متشوقة لفهم وجهة نظرك لان الكبير كبير ولا يخرج منه الكلام الا بعد ان يكون وزنه واكيد لك و نظرة في هذا الموضوع سلمت لنا يمناك ووعيك

    ود الصادق
    متميز
    متميز

    عدد المساهمات : 314
    نقاط : 477
    تاريخ التسجيل : 27/02/2010

    رد: كلام " خارم بارم "

    مُساهمة من طرف ود الصادق في الأحد مارس 18, 2012 6:04 am

    الحبيب وليد
    قصيدة عاوز أبقى منك أي حاجه قريبه منك لا تصدق بأنني أول مره اسمعها من الأخ (الريح عبد الحميد) مش مبالغة فقد شارك بها في مسرح العماره طه (قويه).
    واصل في اعجابك بحسين خوجلي وأراك تسير على نهجه في الحب الدافق للوطن والقرية.
    حبك لنناسي عجاج يدل على سلامة ذوقك... ويسقط الفقراوي والغزال الأسمر.
    بعد ما وقت الفأس في الرأس البكاء على المتروكة تحصيل حاصل.
    وليد ولوجك إلى مواضع الخلل مباشرةً تجعلنا في حيرة وضع الحلول فالأمر يحتاج إلى رؤى وأفكار نيره حتى يتم إصلاح ما أفسده الدهر.
    السخرية المحببة من الأشياء... تلزمنا قراءة النص حتى الثمالة.
    وليد أحينا عليك.

      الوقت/التاريخ الآن هو السبت ديسمبر 10, 2016 12:42 pm